AI佇咱的生活中已經有真濟多元的應用，像講ChatGPT通替人寫文章、解答問題，AI嘛通
替人畫圖。逐年攏會推出人權劇的劇團「海島演劇」就運用AI來做動畫，最近IN推出「天
外飛貓」的台語動畫，欲講濟濟心適的臺灣故事予民眾了解，嘛予學校老師、抑是親子共
學的家庭咧學台語的時，有無仝資源通用。（此則新聞標題、導言、內文皆為臺語文。）

AI佇咱的生活中已經有真濟多元的應用，像講ChatGPT通替人寫文章、解答問題，AI嘛通
替人畫圖。逐年攏會推出人權劇的劇團「海島演劇」就運用AI來做動畫，最近IN推出「天
外飛貓」的台語動畫，欲講濟濟心適的臺灣故事予民眾了解，嘛予學校老師、抑是親子共
學的家庭咧學台語的時，有無仝資源通用。

劇團「海島演劇」逐年攏會推出人權議題的舞台劇，透過人權故事的改編，希望予民眾了
解白色恐怖的歷史，嘛向望透過藝術療治政治受難者和家屬久年來的創傷。另外，為著欲
共其他多元的臺灣故事講予逐家聽，今年海島演劇創立新的Youtube頻道「天外飛貓」。

「天外飛貓」主角是花花佮斑斑兩隻貓，對花巴哩貓星飛到藍星的海翁島所發生的代誌。
目前已經出2集，咧講臺灣過年沉島的故事，創辦人林志遠表示攏總欲做10集，會有濟濟
無仝款的內容。

林志遠講in想欲做自媒體已經想真久矣，因為有請著文化部台語主流化的一寡補助，劇團
才通運用AI技術來做影片畫面，配合台文和中文的字幕，希望予大人囡仔攏通做伙學台語
。

林志遠表示：「自媒體的物件，劇團進前就已經有想欲做，但是咧想講欲按怎做，後來想
講，其實若是用動畫的物件予囡仔看，主要是通好予家長陪囡仔做伙看，兩个人其實通好
做伙來學台語。」